काठमाडौं । उत्कृष्ट जिपिएसहित एसईई उत्तीर्ण भएका विद्यार्थीहरुलाई अरुणिमा एजुकेसन फाउन्डेसनले सम्मान गरेको छ ।
शनिबार गोठाटारको सिलिगन पार्टी प्यालेसमा एक कार्यक्रमबीच विद्यार्थीहरुलाई सम्मान गरिएको हो ।
कार्यक्रममा १ सय भन्दा बढी विद्यार्थीलाई सम्मान गरिएको कलेजले जनाएको छ ।
कार्यक्रमका प्रमुख अतिथि गोकर्णेश्वर नगरपालिकाका मेयर दिपक रिसालले बर्षेनि विद्यार्थी विदेशिएकोमा चिन्ता व्यक्त गर्नुभयो ।
उहाँले हालसम्म अष्ट्रेलिया जाने १८ हजार नेपालीले २२ अर्ब सक्याएको बताउनुभयो ।
एसईईमा उत्कृष्ट नम्बर ल्याउने विद्यार्थीलाई उत्साह प्रदान गर्दै आगामी शैक्षिक यात्रा अझै सफल बनाउनका लागि प्रोत्साहन गर्ने उद्देश्यले कलेजले वर्षेनी सम्मान कार्यक्रम आयोजना गरिरहेको कलेजले जनाएको छ ।
कार्यक्रममा एसईई उत्तीर्ण विद्यार्थीसहित स्कुल सञ्चालक तथा शिक्षक शिक्षिकाहरुको बाक्लो उपस्थिति थियो ।
