सिन्धुपाल्चोक । तातोपानी सडक खण्डको छ्याक्सा नजिकै भोटेकोसी नदीमा खसेको बोलेरो निकालिएको छ । नदीमा खसेको ७ घण्टापछि क्षतिग्रस्त अवस्थामा बोलेरो निकालिएको हो ।
बाेलेराे निकालिए पनि गाडी भित्र कोही पनि नभेटिएको प्रहरीले जनाएको छ । स्थानीयले गाडीका चालक र उक्त गाडीमा एक महिला सवार भएको बताएका छन् । उनीहरू बेपत्ता छन् ।
प्रहरीका अनुसार क्षतिग्रस्त बा २० च २१८५ नं. को बोलेराेका चालक भोटेकोसी गाउँपालिका-५ बस्ने अन्दाजी ३८ वर्षीय सानु शेर्पा हुन् ।
उनीसहित बोलेरोमा बाह्रबिसे नगरपालिका-९ बस्ने ३५ वर्षीया सुन्तली तामाङ सवार थिइन् । दुवै फोन सम्पर्कमा नआएको भनी आफन्त मार्फत जानकारी पाइएको डिएसपी निरञ्जन भट्टराईले बताए ।
