काभ्रेपलाञ्चोक जिल्लाका १३ वटा स्थानीय तह मध्ये जिल्लाको ४ वटा स्थानीय सरकार सम्मानित भएका छन् ।

जिल्लाको महाभारत र खानीखोला गाउँपालिका तथा धुलिखेल र बनेपा नगरपालिका छुट्टै विधामा जिल्लामा पहिलो भएर सम्मानित भएका हुन् । उनीहरुलाई आज जिल्ला समन्वय समिति काभ्रेपलाञ्चोकको ७ औं सभा मार्फत सम्मान गरिएको हो ।

संघीय मामिला तथा सामान्य प्रशासन मन्त्रालयले गरेको स्थानीय तह वित्तीय सुशासन जोखिम मूल्याङ्कन (एफआरए) जिल्लाको अति विकट महाभारत गाउँपालिका र सदरमुकाम सहितको धुलिखेल नगरपालिका पहिलो भएका छन् । एफआरएमा जिल्लाको ७ वटा गाउँपालिका एफआरएमा जिल्लाको ७ वटा गाउँपालिका मध्ये महाभारत गाउँपालिका पहिलो भएको जिसस प्रमुख दिपक कुमार गौतमले जानकारी दिनुभयो । त्यस्तै ६ वटा नगरपालिका मध्ये धुलिखेल नगरपालिका पहिलो भएको हो । संघीय मामिला तथा सामान्य प्रशासन मन्त्रालयले नै गरेको स्थानीय तह संस्थागत क्षमता स्वमूल्याङ्कन (लिसा) मा पनि जिल्लाको ७ वटा गाउँपालिका मध्ये दुर्गम भेगमै पर्ने खानीखोला गाउँपालिका पहिलो भएको छ ।

लिसामा काभ्रेपलाञ्चोक जिल्लाकै पहिलो बनेपा नगरपालिका प्रथम भएको छ । ६ वटा नगरपालिका मध्ये बनेपा लिसामा पहिलो भएको हो । यो आर्थिक वर्ष २०७७/७८ को नतिजाको आधारमा सम्मानित गरिएको हो । यसैबीच जिससले सभाको अवसर पारेर काठमाण्डौ विश्वविद्यालय र मेरो भ्वाईस युनिभर्सका सेकेण्ड रनरअप शरण हुमागाईलाई समेत सम्मान गरेको छ । त्यसैगरी सभा मार्फत जिसस हालै मात्रै धनकुटा जिल्लामा सरुवा हुनुभएका प्रमुख जिल्ला अधिकारी पुण्यविक्रम पौडेललाई विदाइ गरेको छ ।