काठमाडौँ । नेकपा एमालेकी पोलिटब्युरो सदस्य सुजिता शाक्यले एक-एक थोपा शीत जम्मा गरेर अघि बढ्नुपर्ने बेला आएको बताउनुभएको छ ।
पार्टीविरुद्ध चौतर्फी घेराबन्दी भएको भन्दै उहाँले सबै सङ्गठित भएर होमिनुपर्ने बताउनुभयो ।
आइतबार नेकपा (एमाले) उपत्यका विशेष कमिटीले आयोजना गरेको अभिमुखीकरण कार्यक्रममा बोल्नुहुँदै उहाँले भन्नुभयो,’हामी एक-एक थोपा शीत जम्मा गरेर अघि बढ्ने बेला आएको छ,अब हामीलाई पछाडि फर्कने छुट छैन ।’
उहाँले अब गम्भीर भएर सङ्गठन निर्माणमा लाग्नुपर्ने बेला आएको बताउनुभयो ।
शाक्यले राष्ट्रलाई समृद्ध बनाउने अभियानमा अहिले चुनौती देखा परेको बताउनुभयो । ‘हामीबिच चुनौतीहरू खडा भर्का छन्,एमालेको जुन समृद्ध नेपाल बनाउने लक्ष्य थियो त्यसमा अहिले चुनौती देखिएको छ’,उहाँले भन्नुभयो ।
उहाँले नेपाल मानव सभ्यताको सुरुवात भएको भन्दै नेपाललाई समृद्ध बनाउन आ-आफ्नो ठाउँबाट लाग्नुपर्ने बताउनुभयो ।
प्रतिक्रिया
सम्बन्धित खवर
