काठमाडौँ । पौरखी नेपालद्वारा दिपक अर्याल सम्मानित हुनुभएको छ । २० औँ साधारणसभाको अवसरमा डिल्लीबजारमा भएको एक कार्यक्रमबीच उहाँ सम्मानित हुनुभएको हो ।
सुरक्षित वैदेशिक रोजगारको आवाज बुलन्द गर्दै सामाजिक सेवाको पक्षमा निरन्तर खबरदारीका साथ लाग्नुभएका अर्याललाई सम्मान गर्न पाउँदा आफूहरू हर्षित भएको पौरखी नेपालले जनाएको छ ।
अर्यालका पाइलाहरू सामाजिक सेवाका यामहरूमा राजधानीको रफ्तार र सिन्धुपाल्चोकका कुनाकानीमा तरङ्गित भएको पौरखी नेपालले जनाएको छ । मानव बेचबिखन विरुद्धको विभिन्न कार्यको सफलता हासिल गर्नुभएकोमा पौरखी नेपालले उहाँले धन्यवाद प्रकट गरेको छ ।
पौरखी नेपालको ऐश्वर्यको रूपमा अर्याललाई लिइएको पौरखी नेपालले जनाएको छ । अर्याल मानव बेचबिखन विरुद्ध बुलन्द आवाज पार्दै आईरहनुभएकाे छ ।
