सिन्धुपाल्चोक । सिन्धुपाल्चोकको मेलम्ची ७ दुवाचौरमा जिल्ला स्तरीय खुल्ला पुरुष भलिबल प्रतियोगिता हुने भएको छ ।
योङ स्टार युवा क्लब मेलम्ची ७ को आयोजनामा हुने उक्त प्रतियोगिता यही असोज १३ देखि असोज १५ गतेसम्म दुवाचौर खेल मैदानमा हुने भएको हाे ।
प्रतियोगितामा प्रथम हुनेले नगद ७० हजार सहित शिल्ड, मेडल र प्रमाण पत्र प्राप्त गर्नेछन् भने द्वितीय ,तृतीय र सान्त्वना हुनेले क्रमशः ४० हजार , २० हजार र १० हजार सहित शिल्ड,मेडल र प्रमाणपत्र प्राप्त गर्नेछन् ।
प्रतियोगितामा सहभागी हुन प्रत्येक टिमलाई टिम दर्ता दस्तुर ३ हजार लाग्ने संयोजक जय बहादुर तामाङले जानकारी दिनुभयो ।
देशको राष्ट्रिय खेल भलिबल भएको तथा सिन्धुपाल्चोक जिल्लाभित्र भलिबल खेलाडीहरू धेरै रहेकाले युवा खेलाडीहरूको मनोबल बढाउन प्रतियोगिताको आयोजना गरिएको संयोजक तामाङले बताउनुभयो ।
