सिन्धुपाल्चोक ।  । मङ्सिर ४ मा हुने प्रदेश र प्रतिनिधि सभाका लागि नेकपा माओवादी केन्द्र सिन्धुपाल्चोकले उम्मेदवारहरूको नाम सिफारिस गरेको छ ।

२ नं प्रतिनिधि सभा क्षेत्रीय समन्वय समिति सिन्धुपाल्चोकको पूर्ण बैठकले प्रतिनिधि सभा क्षेत्र नम्बर २ का लागि उम्मेदवार सिफारिस गरेको हो ।

प्रतिनिधिसभा क्षेत्र नम्बर दुईबाट प्रत्यक्षमा युवराज दुलाल र चन्द्रबहादुर थापा सिफारिस हुनुभएको छ ।

समानुपातिकतर्फ दलित कोटाबाट बलराम बि.क,जनजातिबाट उद्दन आले मगर,जनजातिबाट ठुलोबाबु श्रेष्ठ सिफारिस हुनुभएको छ । 

त्यस्तै प्रदेश सभा क बाट प्रत्यक्षतर्फ जानुका पराजुली,चिरञ्जीवी आचार्य चिराग,श्यामकृष्ण श्रेष्ठ,गोविन्द पराजुली अविनाश सिफारिस हुनुभएको छ । समानुपातिकतर्फ जनजातिबाट वीर बहादुर तामाङ,जनजातिबाट ललित श्रेष्ठ अभियान,श्याम सुन्दर श्रेष्ठ विवेक,जनजातिबाट चिन बहादुर तामाङ मुक्ति,अल्पसङ्ख्यक जनजातिबाट सुशील बहादुर माझी,महिलातर्फ बिनु खडका सिफारिस हुनुभएको छ । 

त्यस्तै प्रदेश सभा ख बाट प्रत्यक्षतर्फ फुर्वा स्याङबो,भारत थापा,विदुर चौलागाईं सिफारिस हुनुभएको छ । समानुपातिकतर्फ दलित कोटाबाट रोहिणी बिक,महिला कोटाबाट मुना ढकाल,जनजातिबाट लम्जुम शेर्पा,जनजातिबाट अर्जुन लोप्चन,खस आर्यबाट श्याम खड्का,जनजातिबाट महेशलाल श्रेष्ठ,घाइते अपाङ्गको तर्फबाट गोपाल नेपाल सिफारिस हुनुभएको छ ।