ईलाका प्रहरी कार्यालय मेलम्चीले सवारी दुर्घटना न्युनीकरण तथा सडक सभ्याता अभिवृद्धिका लागि ट्राफिक सचेतना कक्षा सञ्चालन गरेको छ । मेलम्ची भएर गुड्ने साना तथा ठुला सवारी चालक तथा सहचालकलाई दुर्घटनाबाट बचौं र बचाऔं भन्ने नाराका साथ कक्षा सञ्चालन गरिएको ट्राफिक पोष्ट मेलम्चीका इन्चार्ज सुरज थापाले जानकारी दिनुभयो
। ईलाका प्रहरी कार्यालय मेलम्चीका प्रमुख उत्तम सिंह भण्डारीले चालक तथा सहचाकलाई सवारी दुर्घटना न्युनीकरण तथा सडक सभ्याता अभिवृद्धि सम्बन्धी जानकारी गराउनुभएको थियो । कक्षामा चालकको काम ,कर्तव्य ,ट्राफिक चिन्ह , लगायतको बारेमा सुझाइएको निरीक्षक भण्डारीले जानकारी दिनुभयो ।
सामान्य मानवीय त्रुटिका कारण हुने दुर्घटना न्यूनीकरण बारे सहभागीलाई जानकारी गराइएको थियो । सामान्य बेला भन्दा बर्खाको समयमा सवारी दुर्घटना बढी हुने गरेको , ओभर स्पिड, मापसे, लगायत थुप्रै कारणले गर्दा दुर्घटना हुने भन्दै सचेत रहन प्रहरीले आग्रह गरेको छ । समुदाय प्रहरी साझेदारी कार्यक्रम अन्तर्गत ईलाका प्रहरी कार्यालयले यसअघि पनि सचेतना मुलक कार्यक्रम गर्दै आएको छ ।
